یاواش - یاواش داشیرام داشلانیر یارا اوره ییم

دیلیم یئرینده دولانمیر گئدیب هارا اوره ییم

سنین آدین گوزوم اوسته یازیلدی آغلاییرام

کاغاذلارا ؛ آرازا ؛ آغلاییر قارا  اوره ییم

دنیز گوزونده بوغولدی تاپانمادیق ایزینی

آداخلیسان چوبانا یا  سویا ؟ سارا ؛ اوره ییم

غزل - غزل اوره ییمدن قیزیل- قیزیل قان آخیر

چکیل - چکیل دالا کونلوم ؛ چکیل دارا اوره ییم

هوروک - هوروک سوزومی قاتمیشام قارا ساچینا

آیاغلاریندان اوپوب یالوارا  یارا  اوره ییم .

 ( رضا- ۱۳۷۹ )